Na Lingua Maternu , diretament d Paris-Fransa pa Jurnal Iletronik LIBERAL, VOX D OLISANTO t a infurma lei tors des Jurnal Kabuverdianu mo ECO DE CHAVES DE BUBISTA ( EK D XAV D BUBISTA) ta réuni dia 25 des mes na Paris 17émè pa ilabura prugrama kumemorativ d 20 aniversar(iu) ta ser fet na dia 7 nuvenbr des one.
Ek d Xav (Asosiasaun d kabrers na Fransa), desd se fundasaun, 31 d outubr d 1989, ten bind ta participa na txeu asaun d solideriedad na Kab Verd. Bubista, Djidsal, Santanton, Santiag (Praia i Santa Katerina) y Djarfog, ilhas benifisiod des Asosiasaun umanitariu ki ka ten fin lucrativ. Saud, idukasaun, kultura i imerjensia setors skudjid.
Na Fransa, Ek d Xav, alen d kanpanha d angaria fund i d festa-kunviv ma kumnidad kabverdian na imigrasaun (Fransa, Suisa, Beljka, Ulanda, Italha, Suesa…) ten apuiod imigrants ku prublema kes pude inkuntra na sis dia-a-dia.
Objet d Ek d Xav sulidariedad ma Kab Verd na setor d saud idukasaun i kultura fundamentalment. Pa ser menbr (sosie) basta aseita statut, participa na atividad d asosiasaun i paga kota.
Rue Lamblardie 75012 Paris France, 21 d Outubr d 2009
Kabverdianament Nand i Olianto
Repoters ki ka ten fruntera
KANAL DI DIVULGASON, INFORMASON I KOMUNIKASON NA LINGA MATERNU, EN PARIDADI KU PURTUGES, DESTINADU PA TUDU NHAS AMIGA I AMIGU D`INTERNET. PA OFISIALIZASON DI LINGUA KABUVERDIANU, KADA GOTA TA KUNTA!!!
