Exmu Snhor
Ministru d Stadu i di Saudi (MSS) d “ Bon Guvernason” i d “ Nasaun Vensidor ”
K/K d Sr. Prizidenti di CMTSN/ KMTSN
Djadsal, 13 d Juldj d 2010
Asunt : Vox d Sidadania
Nhas mantenha i mut saud pa tud jent d Minister k sr. ta kumanda!
N sabe d paixaun k sr. ten pa lingua k nu “ADUTA” di Tuga kom Lingua d kumnikasaun susial – “amdjor koza k nu erda d kulunialimu”, pa sita Abel Djassi. Ma pa rebeldia, N ti ta ben skribe na LINGUA NASIUNAL o Maternu, k pa mutiv partidariu ta kuntinua vergunhozament sen ufisializa.
Sr. ministru, nha asunt e sobr NASAUN PRAIA BRANKA (PB) situod na kosta uriental d Saninklau, aneksod na Munisipiu d Tarrafal.
42 on dpos, N pasa par loa pa asisti festa d Sanjon i pa vizita familia. Na jir pa sidad d Praia Branka, pa kruzidad, N antra na “POST” – “uspital” d Bandera Ventuinha. N fka XUKOD d udja akel lindu Idifisiu Enblematiku ta murre pados pados i inundod d tud tip d xujera. Falta pok pa INFERMERA ka tenba dunde tra si dia d trabodj!
N ta pinsa mo es asunt fui d kunhesiment d “delegadu” d sr. ministr na ilha d Paulinu Vieira i d sr. PKMTSN, pa N ka kresinta sr. na lista. Na duvda si sr. ministr dja vizita es “post”, N ta sulisita un inspesaun urjent pa kunpruva es infronta. Jent d PB, distribuid pa serka d 230 kaza (179 ku lus i aga ligod), merise ot tratament d “Nasaun Vensidor”.
Sr. ministr, tanbe sta kurre rumor mo alguns funsiunar d MSS nes ilha, injustament, sa ta ser penelizudu na karrera (PROGRESAUN) pa falta d avaliasaun d xefia ierarkiku. Brinkader es d mau gost: sufuka algen na karrera pa inkunpriment d un ot!
Sr. ministr, N kre pruveita es prekatoria pa pdi buse kom Ministr d Stadu pa papia-m ma ilustrs dignatariu d pasta d Aga i Sol(u), d Trabadj, d Juventud, d Kultura i d Patrimoniu, si es taba pude da un saltadinha ti PB (kuidod k ajuda d kust na krizi e imural!) pa es faziba kalker koza pa kel pov trabadjador mergudjod na dzenpreg (brazilerismu !?). Pur ezenplu:
1- Arbera, antigament pumar d mangera i tanbla (tanbarina) unde, di tardinha, jent taba ba merenda, oj un riu d pedra solt. So 3 pe d mangera sen manga. Tanbla nenhun pa tistimunha!
2- Aga d Baka, otrora prasa d sonhu d juventud, oj kurral k almaria ta guarda pa un prujet turistiku d kanbra, inda sen finansiament.
3- Odj d Aga, kunstruid na 1948, durant txeu on, mata sed i alimenta agrikultura d regadiu d PB, pa kastig mite uns feria prulungod. Dpos d dzastr ekulojiku, on pasod, pa grasa d Deus, aga pasa ta kurre sen aproveitament na labada 24/24. Inda ben k XENA, tud fin d smana, ta ba, na moda antig, bate/laba si ropa.
3- Trabodj d Stod e distinod pa dois flizord d prasa k “lavara”. Restants “brazilerismu” na “puli kalsada”.
4- Sentr Susial, klub d futbol, juventud i jardin infantil mas d 6 mes k antena “parabolas” stragod. “Vandalismu” o neglijensia!?
5- Apezar d un sert sentiment d abandon d instituisons d “Nasaun Vensidor”, inda ten aligria pa faze festa d Santa Krus, Sanjon, N/S d Karm i Pipitinha k lumnara. Na txukadera ta pa nise dia d Bakarbera.
6- Strog d txuba d on pasod inda pa repara. Nen mur d Greja fui perduod!
7- Kazas d gloria d Merka na rezignasaun na kontrast k kazas d jerasaun d arkitetura “nasiunal“ k kara labod bazikament d azul i bronk.
Sr. MSS, N sabe mo buse dja ka ten tenp pa po es opersaun na pratika. Mesmu asi, N ta pdi pa buse dxa-l na pasta d pasaja d “tituluar” d guvern d prosimu lejislatura d 2011 pa da kunpriment. Ka skse mo “li ta fazid i li ta pagod”! Sima Bei fla, silens d Praia Branka e resposta na urna!
Sr. MSS, “Bon Guvernasaun” e fetu ku PASADU (Odj d Aga), PREZENT (Enpregu) i FUTUR (Sonhu). Nhas parabens s buse dja kunpri es legadu filuzofiku fundamentalista d skerda progresista i mudernu!
Sr. MSS, pa un bon kauza, N ka ten med d ser akuzod d KRIM(I) d violasaun sen arronbament (arrunbod dja staba!) d propriedad privod. Pa dfeza, N kunstitui Amadeu Oliveira, inskrit na dezorda d klas, d nha advugad.
Sr. MSS, pa termina, N kre fla buse mo PB ta guarda resposta!
Na Lingua Kabuverdianu, kada gota ta kunta!
Antoniu Santiagu Oliveira - Olisantu
CapAM(Ref)00016175
Tel:(238)2411827;Mov:9937349
Email:oliversan3@hotmail.com
http//:olisanto3-natelisa.blogspot.com
Ministru d Stadu i di Saudi (MSS) d “ Bon Guvernason” i d “ Nasaun Vensidor ”
K/K d Sr. Prizidenti di CMTSN/ KMTSN
Djadsal, 13 d Juldj d 2010
Asunt : Vox d Sidadania
Nhas mantenha i mut saud pa tud jent d Minister k sr. ta kumanda!
N sabe d paixaun k sr. ten pa lingua k nu “ADUTA” di Tuga kom Lingua d kumnikasaun susial – “amdjor koza k nu erda d kulunialimu”, pa sita Abel Djassi. Ma pa rebeldia, N ti ta ben skribe na LINGUA NASIUNAL o Maternu, k pa mutiv partidariu ta kuntinua vergunhozament sen ufisializa.
Sr. ministru, nha asunt e sobr NASAUN PRAIA BRANKA (PB) situod na kosta uriental d Saninklau, aneksod na Munisipiu d Tarrafal.
42 on dpos, N pasa par loa pa asisti festa d Sanjon i pa vizita familia. Na jir pa sidad d Praia Branka, pa kruzidad, N antra na “POST” – “uspital” d Bandera Ventuinha. N fka XUKOD d udja akel lindu Idifisiu Enblematiku ta murre pados pados i inundod d tud tip d xujera. Falta pok pa INFERMERA ka tenba dunde tra si dia d trabodj!
N ta pinsa mo es asunt fui d kunhesiment d “delegadu” d sr. ministr na ilha d Paulinu Vieira i d sr. PKMTSN, pa N ka kresinta sr. na lista. Na duvda si sr. ministr dja vizita es “post”, N ta sulisita un inspesaun urjent pa kunpruva es infronta. Jent d PB, distribuid pa serka d 230 kaza (179 ku lus i aga ligod), merise ot tratament d “Nasaun Vensidor”.
Sr. ministr, tanbe sta kurre rumor mo alguns funsiunar d MSS nes ilha, injustament, sa ta ser penelizudu na karrera (PROGRESAUN) pa falta d avaliasaun d xefia ierarkiku. Brinkader es d mau gost: sufuka algen na karrera pa inkunpriment d un ot!
Sr. ministr, N kre pruveita es prekatoria pa pdi buse kom Ministr d Stadu pa papia-m ma ilustrs dignatariu d pasta d Aga i Sol(u), d Trabadj, d Juventud, d Kultura i d Patrimoniu, si es taba pude da un saltadinha ti PB (kuidod k ajuda d kust na krizi e imural!) pa es faziba kalker koza pa kel pov trabadjador mergudjod na dzenpreg (brazilerismu !?). Pur ezenplu:
1- Arbera, antigament pumar d mangera i tanbla (tanbarina) unde, di tardinha, jent taba ba merenda, oj un riu d pedra solt. So 3 pe d mangera sen manga. Tanbla nenhun pa tistimunha!
2- Aga d Baka, otrora prasa d sonhu d juventud, oj kurral k almaria ta guarda pa un prujet turistiku d kanbra, inda sen finansiament.
3- Odj d Aga, kunstruid na 1948, durant txeu on, mata sed i alimenta agrikultura d regadiu d PB, pa kastig mite uns feria prulungod. Dpos d dzastr ekulojiku, on pasod, pa grasa d Deus, aga pasa ta kurre sen aproveitament na labada 24/24. Inda ben k XENA, tud fin d smana, ta ba, na moda antig, bate/laba si ropa.
3- Trabodj d Stod e distinod pa dois flizord d prasa k “lavara”. Restants “brazilerismu” na “puli kalsada”.
4- Sentr Susial, klub d futbol, juventud i jardin infantil mas d 6 mes k antena “parabolas” stragod. “Vandalismu” o neglijensia!?
5- Apezar d un sert sentiment d abandon d instituisons d “Nasaun Vensidor”, inda ten aligria pa faze festa d Santa Krus, Sanjon, N/S d Karm i Pipitinha k lumnara. Na txukadera ta pa nise dia d Bakarbera.
6- Strog d txuba d on pasod inda pa repara. Nen mur d Greja fui perduod!
7- Kazas d gloria d Merka na rezignasaun na kontrast k kazas d jerasaun d arkitetura “nasiunal“ k kara labod bazikament d azul i bronk.
Sr. MSS, N sabe mo buse dja ka ten tenp pa po es opersaun na pratika. Mesmu asi, N ta pdi pa buse dxa-l na pasta d pasaja d “tituluar” d guvern d prosimu lejislatura d 2011 pa da kunpriment. Ka skse mo “li ta fazid i li ta pagod”! Sima Bei fla, silens d Praia Branka e resposta na urna!
Sr. MSS, “Bon Guvernasaun” e fetu ku PASADU (Odj d Aga), PREZENT (Enpregu) i FUTUR (Sonhu). Nhas parabens s buse dja kunpri es legadu filuzofiku fundamentalista d skerda progresista i mudernu!
Sr. MSS, pa un bon kauza, N ka ten med d ser akuzod d KRIM(I) d violasaun sen arronbament (arrunbod dja staba!) d propriedad privod. Pa dfeza, N kunstitui Amadeu Oliveira, inskrit na dezorda d klas, d nha advugad.
Sr. MSS, pa termina, N kre fla buse mo PB ta guarda resposta!
Na Lingua Kabuverdianu, kada gota ta kunta!
Antoniu Santiagu Oliveira - Olisantu
CapAM(Ref)00016175
Tel:(238)2411827;Mov:9937349
Email:oliversan3@hotmail.com
http//:olisanto3-natelisa.blogspot.com
