Na dia 3 d setenbre d 2015, N
viaja pa DIASPRAIA, na VR 1207 d
TACV, transportador d Bandera Nacional, nun MISÃU PRIVADU DI FREDIZASON, sintod na 16E, klasi Y, na lod d D. Albertina
Cardoso, un sra d LONJIVIDAD, ke tinha Lisboa d Pretugal
kome distinu final. Na bagaja N liba mantenha d RUA d LISBOA d Mindel - Sidad
Stadu d’Utopia, pa se omólogu Pedomal di Platoria. Durant viaja, N ba ta tra un
kaskinha na “VIOLENCIA E CRIMINALIDADE”
di JOSE REBELO, amigu desdi tenpu di tropa na Komand d Segundu Rejion Militar d
Djadsal. Pa tudu kenha ki sa ta pretende viaja pa mi tera DIASPRAIA, nada mas midjor k un kaminhada nes libru-Spedju di “sidadi
ku soluson”, parafaziandu el ilustre y eternu kandidatu pa DESGOBERNASIA di Kau
Berdi-sr. SUC.
Viaja kurré dretu, grasa Astral
Superior (AS). Kome sienpre, mal N bta kadera na 16E, N irredia três Gran Fok pa Forsa Superior (FS),
pa aluminase nos kaminhu. Kond avion suta
roda na txon d’ AEROPORT INTERNASIONAL NELSON
MONDELA(NDIA), pasagerus toka palma d agredsiment pa komandant y tripolantis. Ma kome Dona AC presizaba d kadera d roda pa dzinbarka, spos d nos dispidida, N pdi-l pa bota-me BENSON.
Na DIASPRAIA, spos d N aluja na PENSAUN MANA, penson stritament
familiar, presionod pa ameasa di un novu FURAKATXOR,
menus amigu ke Fred, primer koza k N faze foi procura JAKO, pa dzenkadia un ofensiva
konra infiltrason di agu di txuba n’ Utel-MSF
31, situadu la Palmareju, frent d karkasa di prasa Alexandre Albuquerque, un iroi tuga. Manias di Novus MOKRATAS,
saudosistas di ventomania, e TUGIZASON tudu txada, kutel, beku, skina, rubera,
ladera, labada, tapun y kubon di
konselhus/ilhas RABENTOLA. Enkuant santus di kasa, ku
sonbreru/sunbrinha, sa ta spera VAKATURA,
na ladu di deos pai, pa konkretiza máksimu
MULTIGATU-“SOMOS DIFERENTES, FAZEMOS DIFERENTES”. Ta bon, di tugizason di Berdianidadi!!!
Spos d un
korreria, pa riba y par boxe, sen perdé tenpu, un firma un paktu d kapitulasãu k
Furakaun y Furakatxors, po-m podia partisipaba nun kurs relanpagu di preparason pa defeza di nha mestre-trod na Linga Kauberdianu, varianti santiagens, na Uversidadi Diaspraia, ministradu pa profisor- dator Marciano M. Pa es traboi de mestre-trod, N rekure d Arkiv Storik Nasional, vijiod pa orientadora Rosandra,
spesialista na arti di dizentirra
defuntus. Mesme asi, inda N
ranja un tinpin pa vizita: FSFA,
senpri vijiadu pa kapton Tavares, pa un xarada ku papitãu Alipio,
kandidatu a major na 2016; e spoz foi vez d Major d Administrasuan Reformod Medina, un patris y konpanher d luta pa
INDEPENDENSA
LIBERDAD Y JUSTISA, furjod na
dunas d Bubista y na matas d Kumiré-Guiné BISSAU, de 1975 ( ants d’
independênsia) a 2001, kond sr. Jeneral –jeneral Matuvich, rezulbe po fora d FAR(P) MILITARSONBRA ( grand y piknin), sen rasalva interese d Stadu, ku
objetivu di implanta klasi di jeneratus, sen upozisaun d es militres d
independensia, ku kunplisidadi di
opozison ( MPD y UCID ), na bazi di lei-Natal
di Jeneral-voador Painatal .
Na kualidad d REPORTER SEN FRONTERA d rua d Liboa, d
Mindel - Sidad Stadad, na dia 05/09/2015, N fui konvidadu pa retrata 50 vela d NHO, na SIDADELA, refujiu d klase alta,
y media-alta.Na dia d regrese, 10/09/2015, ants d ba pa aeroport, N ankuntra ma nha prime Abner, adivugadu de Pinaria y familiar, nun kafe d Palmareju, ke po-m en kontatu ku prime y kamarada de armas, PinAntunes.
Na regres pa Kapital d Kultura, dia 10/09/2015, komandod pa ex-Tenent d FAR, Neves A, un sanvisentin puru y
rejionalista konvikt, na ANM y ants d panha voo VR1206, klase Y, lugar 9D, N
kaba pa devora Rabelo José –“violensa
y kriminalidadi”. TXA FALA/PAPIA KEN KRE. NADA KOME VIAJA NA KONPANHIA DI BANDERA NASIONAL-TACV!!!!
Pur motivu di forsa maior ( nha
konputa tev un malstar k kusto-m alguns sifrãu), so ago é posiva partilha es RELATU
DI OLISANTO NATELIZA, Ku amigus di redi
sosial. Es ozensia forsadu d’ dezintoksika
HP di badizason) dibé ter kauzadu alguns transtornu d’ fans d REPOTER
SENFRONTERA d Sidad-Stad, mas kultural d Kab Verd, y undé tudu LELELE ta naxsé/surji,
sima pisikoliku y PKMS, Neves A,
fala na PRASA STRELA na atu d kolokasãu d
plaka d FALKONS D’KAB VERD. Pur ex.
Mildelact, Festival d Baia das Gatas, Rua d Lisboa, Lajinha, Kavala na d Praia,
etc , “talvez frut d Port Grand y Mont Kara”. ” Sta bon d kmé”, na prot saunsentin!!!
OBS: DIASPRAIA, e un forma di rekorda un boka-boka maldoz d un amig extremista
rejionalista d direita d ELITE mindlenze, k ta kognomina PRAIA d “diáspora “, y e kontra redikason d “mon obra“ sinzent sonsentin, na kapital d pais. Pa el, es diaspraistas
so turna pa terra natal divorsiod ( nha kazu) o pa ben murre, moda KABESA KALVA fazé.
Txan d Marinha, BLOk L, 22/09/15
REPORTER SEN FRUNTERA,
Kapton lajinha/areia/saliner
