Un invernada de GRIPI,
nun velosidade de kruzer, papiandu bonitu moda sr.MEM/MEA, sen djobi pa
ladu, lansa un ofensiva de surpreza relanpagu, sobre Mindel, sidad sem igual na
karnaval, pa testa kapasidade y prontidãu de Sistema de Saude Rejional
(SSR), sen injerênsia de Praia, kapital de tubarons (Azul, Martel,
Bronk, Tigre, Bafador, y etc ).
Pur orden de Mandu Superior Kapitalianda,
foi deklarod Stadu di Emerjensia (SE)
na tud ilha de Sonsent. Uspitais, Klinikas, Sentrus de Saúde, Laboratórius, Farmasas,
y Bunbers fui mobilizod pa kontrataka
es epidemia, ke tud forsas y meius lokal dispunível, pa restablesiment de
situason mas rápidu posível, pa karnaval enkurralod ka sofre danus
kuleteral. Pamo juntu nos e mas forti, SSS tabert a refors de SENTRALIZON
de republika de Praia Jucesismu.
Pa maksimizason dês orden junt de
populason vitma, RCV/RTC sa ta difundi es
orda, ora a ora, segid de muzga de konbat-MORNA PATRIMONIU D’ UMANIDADI,
na voz dekes ARTISTA na Mund de
Verdad, y ta konsedja pasientes pa diriji pa Servisaude mas pert de área/zona
de rezidensia.
Ami, spozes dun smana anburkod na
kama, na remede de terra i de farmasa, N ba pa SS de Krekinha, pert de Txan de
Marinha, Kaza Para Todus (KPT)-Blok L,
nha kuartel jeneral, pa ser observod pa Dra.Paula, “medika de famila”, ke mando-m kontinua medikasãu, y pa reforsa el paso-m mas un xarop i antibiotiks STRANJERADU pa konbate un bruminha
sek ankorod na pulmon skerd.
REMEDE DE TERRA Y REMEDIU DE FARMASA
Nes kazu, jeralment , prumeru ke
ta entra na konbate e remede de terra.. Remde de farmasia, oportunista, pa fka ke fama, so ta entra mas tarde, pa litida enimigu (vírus)totalment .
REMEDIUS DE TERRA ( kura gripe )
Let Vida morne misturod un kudje de grog (bon pa tose)
Sfrega mentulat na sol de pe, peit, garganta ( febre)
Bonhe mote (likrin)
morn (febre)
Kold de galinha vive ( forsa)
Xas de limon, laranja, lekrin,
08022018
OLISANTUNATELIZA