D nha kaza prefabrikod, pared i tedja d xapa d bidon , furrod d papel d pakot d sume i let, porta i janela d papilon, sintod ( plantod ) na mei d prasa Jeminadu, na sidadi di Santa Maria, na apagaun d iletra, sen k edilidad d republika d saliners da konta, N ujda TML ta pasa frent d nha porta, ta finji mo el k udjo-m. N grita-l, ta pdi-l, pa pelu menus, da salva d deus (mantenha). K akel riz ( surrizu ) d senpr na rost, el vra kara pa pdi-m diskulpa kel taba straid, ta pinsa nun amig d Olt d Montdei, k tava (taba) ta spira-l, pa un Worshop d INPRENDEDURISMU, na sidad d Sparg , butsod ku prezensa d guarda-redes d konstituison neo-kolonialista junt d psoas, sobr JEMINASON (duplikasaun ) d fabrikason d kasa kunstruid ku despardis ( lix anbiental ) inpurtod sen taxa i d masifikasaun d armas lijer ( BAKA BEDJU ).
Kom Baze Material d Stud (BMS) pa jusitifika es “ diskursu di ventu “ usidental, k resentment antra klandistinament na moda na Kab verd , foi skudjid :
1- SIDAD D OLT D SOK
2- BARRAKA d ”BOA SPIRANSA” na Bubista ,
3- Artezons d Boka Bedju
4- Kasu Bodi
5- Enprezariadu prosimu di partidus d situason i d opozison
Fenomenus d glubalizaun d “eixu d mal” d mundu nobu, frut d “bonguvernason” d mPd i pAi ma sis pulitka d TERURISMU (Oh, turismu!) di masa(dnher!!!) .
Es 2 (dois) tubaron azul (mPd i pAi ) proprietariu di dimokrasia i liberdadi, si ka muda di pulitika pode, menus dia mas dia, liba Movimentu di Sidadania (MdS) asiuna si “BONBARLOJE” d responsablidad, na lejimu difeza, na prosimus ileisons, pa tuma konta d distinu di pais.
Na tip d konkluzon, fui rekomendod sigi izenplus d inprendedors di susesu prosimu di partidus d situason i d opozison :
1- Enkuadrod na reforma d defeza nasional, FABerdianu pudia pruveitaba ablidad d artistas d “BOKA BEDJU” ( rekrutamentu des peritus ) pa mudernizasaun d armas lijer d FAK;
2- Ministra d “Kasa pa nos tudu”, divia uza umesmu metodu d konstrutors d barrakas/ “Bairrus d Boa Spiransa” ( okapsaun ilegal d terrenu ) pa aselera kunpriment di prugrama di luta kontra pubreza;
3- Judit i PN dibia fazeba rekrutament d “karteristas” i “kasabudistas” , pa uza na diskuberta di otus salteadors;
Pos isu no ta pergunta, Unde k sta “Stadu di Direitu Dimokratiku” i di Liberdadi”d Kab Verd? tame! ku es inJustisa di Justisa, Demokrasia i Liberdadi des tera e so pa “fidjus di fora “ i pa alguns dizena d “fidjus di purdent” ki nasi ku...pa seu, jeminadus k “fidj d fora”. Es sin, sr. skaparia, ten tud pa “NIVLA PA RIBA” ! Enkuantu ZP, sen trabodj, ta kundenod na spira mument d ileison pa fraudulentement da “xek mates” na klas pulitka pa kunsigi algun material d konstrusaun, padasinh d txon i algun txitxoka pa na sukuru labanta sidades na pariferia d matrople d republika multigatu.
Dezakreditod na klas pulitiku, spiransa di SIDADANIA-ZP ta na arbitraji di sr. Prizident d Karta Magra d republika federitivu d kauberdi , sen krizi i di dezenvolvimentu M..., senaun pais ta kurre risk d resibe un “bonbarloje” na “furteleza” d dimokraisa i liberdadi .
Sen kre ser diputadu DO, N ta dzija tudu kabverdiana i kabuverdianu un ”SAKU AZUL” pa natal i un anu nobu “MALKRIADU” ku kadiadu na “KALSINHA” i kun Orsamentu Jeral di Stadu (OJS) “NU” inprid na rua di kapital di reputa i “DODU” barridu pa “TROKA DI MUDJER” !!!
Kasa Par(a)lamentar di Stadu Independent d Forsaeria, 22 d nuvenbr d 2011
Olisantu Nateliza – Diputadu Malkriadu
