Na dia 30 di otubru di 2010, na prezensa d uns 100tenas d psoas (ministrs, diputadus, ex-delegadus di saudi i pupulars), PM d Kabu Verdi, José Maria Neves, inaugura Uspital d Djadsal, sen anunsia data d abertura.
Dipos d diskurs di sirkunstansia d Ana Paula, Delegada d Saud, Jorge Figueiredo, Prezident d Kanbra, Basílio Ramos, Ministr d Saud, i José Maria, Primer-Ministr, skankarod porta pa pupulars ntra pa kunxe Uspital d Djadsal.
Tud jent sei/sai kuntent, ma ta pergunta: konde k’el ta pasa ta funsiuna?!
Sirvisus d es Uspital:
Medsina/ Medicina;
Sirurjia/Cirurgia;
Obstetrisia i Jinekukujia/ Obstetrícia e Ginecologia;
Pediatria;Stomatolojia/Estomatologia;
Laborator(iu) d Patolojia Kliniku/Laboratório de Patologia Clinica;
Laboratoriu di Radiolojia/Laboratório de Radiologia.
El sta ekipadu ku 40 kama, i ku kapasidadi pa mas si presizod.
Es uspital kusta trezents i kurenta i sink milhons, trezents i oitenta mil skud (345.380.000.00), inkluind ikipaments, finansiod pa Fundu Rejional pa Dzenvulvimentu (CEDEAO) i pa Guvern(u) d Kab Verd.
Es uspital (kabol d batalha/kanpanha entr PAICV i GIMDS/MpD), faze kure tinta na rua d “Toi Pedro”!
Na “KONTRATU KU ILEITORADU DI SAL” d 17 d mors d 2004, JF prumite na se pontu 1.1 inisia konstrusaun d Uspital d Djadsal na proz d 9 mes i konkui-l na prazu di 24 mes dipos d inisiu di konstrusaun. 3 anus dipos (2007), Guvernu lansa primer pedra ku prumesa d kunklui-l na 15 mes.
Di prumesa a prumesa inganozu, pasifikament povu di Djadsal (“salens i djadsalens”) spira te dia 30 di otubru di 2010 pa risibe xav d es bunitu “PATRIMONIU” di nos tudu.
Bazil i Jorge Figueiredo, nhos sta purduadu!
Forsaerea, Vagaun 9, na “SIDADI” di Sparg, 31 di novenbr d 2010
obs : Oji dia 30 di dizenbru di 2010, Uspital d Sal, skankara porta, dois mes d abertrura ufisial. Pasients d Uspital bedj fui transferidu pa nob, dia 30 d dzenbr d 2010.
Na Lingua Kabuverdianu, kada gota ta kunta!
Antoniu Santiagu Oliveira - Olisantu
CapAM(Ref)00016175
Tel:(238)2411827;Mov:9937349
Email:oliversan3@hotmail.com
http://olisanto3-natelisa.blogspot.com/
