Ningen ka ta flaba mo na 35 On d Independensia i d ”Kabu Verdi pa nos tud”, 20 on d “dmokrasia”, k un “Guvern Sosialait d Skerda i d Bon Guvernason”, na “PULMAUN” d Murdera, sidad d “AMDJORS FIDJ” d Sal, autoridad Munisipal i Guvernamental taba autoriza un MATANSA d vejetasaun (arvs – moda akasia d tip mirkon, taraf, amrasa pret i bronk, kaftadja, furturaja, kanpa, fedagoza – i tud kes ot kriaturinha). Vejetasaun, koza skos/rar nes ilha kareka.
So ta linbro-m kel PROFANA d TERRURISMU na Bubista kontra AKASIA SENTENARIU d mei d Port.
Tud is e pa kunstrui uns kazita d lux pa nos tud?!
Na serteza k un Asaun na Tribunal, ta murreba SULTER sima areias d praias d Djadsal, ta risto-n e un LAVANTAMENT PUPULAR na dfeza d nteres des ilha TURISTIKU inda mas kareka.
Mas dia, mens dia, nos VEJETASAUN e lixu inpurtod (plastiku, garrafa d bebidas alkuoliku, karkakasa d PRADO, pneu Rama, etc.). Atensaun FUNTONA, pa es praga ka dzinbarka la!!
Dator Vital, Omi ki fika kunxidu kom Prokurador DUNA (mesmu perdid bu tezi di datorament anbientalistiku na Suprem Tribuna(l) d “Praia sa ta muda”), POVU di Sal ta kunvida-bu pa reprezenta-l na mas es briga ku (in)justisa d Kab Verd - “Stadu di Direitu Dimokratiku”.
No faze es SOS Anbient Saudavel txiga na ken ten puder pa faze un basta!
Ka no fka kalod, snaun storia ta kundeno-n! No ntra nes sirkuit d “SALVA KAB VERD”! Ma, ants ranja bo “ADIVULGAD DI POVU” pamo “TUBARON” ne brinkadera. Pa nha siguransa, N po nha “Adivulgod Tanbarina” na bonk, N panha un “Rabentola”. Na “Prasa d Kibrod” sta txeu des: Tanbarina, Rabentola, Ventuinha, Dicuvetara, etc.
Jent, N dxa d faze nha dever pa N da es Orden d kunfuzaun. Orda dod, orda kunprid!
Dixa-m retuma nha skrita d “KARTIDJA DUN KUNBATENT D PATRIA” k mut joven dixa tud pa abrasa kauza d INDEPENDENSIA d Kabu Verdi. Inflisment inda oj, el ta kuntinua ta udja koza runhu ta kre buta-l rubera baxu.
Nhas mantenha pa tudu “KONFUZENTU” d Situason i d Upozison!
Na Lingua Kabuverdianu, kada gota ta kunta!
Forsaerea, 21 d Moi d 2010
Antoniu Santiagu Oliveira - Olisantu
CapAM(Ref)00016175
Tel:(238)2411827;Mov:9937349
Email:oliversan3@hotmail.com
http//:olisanto3-natelisa.blogspot.com
