Karu amigu i konpatriota!
Mi e un militanti di Lingua Kabuverdianu ki apruveita inbalaja d kanpaha autartiku pa alista na korrenti di OFISIALIZASÃU DI ALUPEC, ku filozufia di k “KADA GATA TA KONTA” na luta pa “LIBERTASON” di Lingua Kabuverdianu.
Nes anu 10 di ALUPEC, sen spira pa mas, ku parseria di nha amigu virtual “nha Ida padri”, N pasa ta kontamina Nason ku nhas lixu toxiku (kimiku i biolojiku), lansadu d B-12 (jurnal d papel “A NAÇÃO” i “A SEMANA” ) i di F-16 (jurnal elektroniku LIBERAL ONLINE), pa spadja bokas di rua di “Toi Pedro” pa tud rinkon i rubera ki ta izisti Kabuverdianu. N ta agridise es jurnais ki ten publikadu alguns artigu.
Ifetivamenti, grasa a Nhordeus, en bon ora, la pa Kapital surji un barra pezadu bind la di Marti ta marsianiza-m ku ses artigus simanal di “LIBERTASON” di Lingua Kaverdianu.
Pa ka fika ta dipende des Armas di Exterminu di Masa (AEM) di gentis, N kluna olisanto3-natelisa.blogspot.com, batizadu/rijistadu ku nomi di “VOX D OLISANTO”, ta pensa na karu leitor, pa spadja boka-boka d kriol na “Baixada Fulminez” i na “Vila Noba d Gaia”, na pais i na stranjeru.
Na blog olisanto3-natelisa.blogspot.com bo pode nkuntra kartas-abertu, kronikas i puemas. Es artigus sta skritu na lingua tera ku uzu di ALUPEC. Tanbe alguns artigu sta na Purtuges pa pesoas menus dadu a le lingua kabuverdianu skrebedu na ALUPEC.
Ma kuidadu, santu sima min na infernu sta txeu! Di santu, N ka ten nada.
Nes maratona di rua di “Toi Pedro” ka ten faltadu “pexis-spinhu” ta tenta, fraudulentamenti, tira-m di kaminhu, pamodi/pabia N ka ta “SIGI TRADISON”. Grasa a Nhordeus, marsianus di Marti disfila na frenti di PAR(A)MENTU a nha favor ta pidi diputadus di skerda i di direita pa libra-m di maus udjada desis “FALSIDADIS” di opozitoris di língua di bersu.
Karu amigu i konpatriota, “ka spera pa mas”! Panha boleia, bu viaja na olisanto3-natelisa.blogspot.com pa saboria rikezas di nos língua na se variant d Bubista i di Santiagu, bu dxa sertus visiu mau (alku, sigarru i padjinha) di sosiedadi pa tras.
Es e un luta pa libertason di nos identidadi Kabuverdianu, atraves di sperimentason di skrebe nos lingua, gia i lus di identidadi d kualker pov. Bu sta kunvidadu a intigra es izersitu di intuziastas na difeza di ALUPEC i di inplementason di nos lingua maternu na skola! Ka ta da pa spera! Du ba pa tudu kutelu, no spadja es noba di SPIRANSA pa nos fidjus i netus.
Komu un intuziasta d lingua kabuverdianu, N k e kontra lingua purtuges. Kuze k N kre e udja es dois lingua (Kabuverdianu i Purtuges) ladu a ladu na konstruson des nos pais di PDM, sen distinson (Lingua ofisial i nãu ofisial).
Un abrasu amigu.
Na Barraka numeru 9 di OLISANTO, Forsaerea d Ilha d Sal, 06 d Dizenbru d 2008.
António Santiago Oliveira - Olisanto
CapAM(Ref)00016175
Tel:(238)2411827;Mov:9937349
Email:oliversan3@hotmail
olisanto3-natelisa.blogspot.com
Mi e un militanti di Lingua Kabuverdianu ki apruveita inbalaja d kanpaha autartiku pa alista na korrenti di OFISIALIZASÃU DI ALUPEC, ku filozufia di k “KADA GATA TA KONTA” na luta pa “LIBERTASON” di Lingua Kabuverdianu.
Nes anu 10 di ALUPEC, sen spira pa mas, ku parseria di nha amigu virtual “nha Ida padri”, N pasa ta kontamina Nason ku nhas lixu toxiku (kimiku i biolojiku), lansadu d B-12 (jurnal d papel “A NAÇÃO” i “A SEMANA” ) i di F-16 (jurnal elektroniku LIBERAL ONLINE), pa spadja bokas di rua di “Toi Pedro” pa tud rinkon i rubera ki ta izisti Kabuverdianu. N ta agridise es jurnais ki ten publikadu alguns artigu.
Ifetivamenti, grasa a Nhordeus, en bon ora, la pa Kapital surji un barra pezadu bind la di Marti ta marsianiza-m ku ses artigus simanal di “LIBERTASON” di Lingua Kaverdianu.
Pa ka fika ta dipende des Armas di Exterminu di Masa (AEM) di gentis, N kluna olisanto3-natelisa.blogspot.com, batizadu/rijistadu ku nomi di “VOX D OLISANTO”, ta pensa na karu leitor, pa spadja boka-boka d kriol na “Baixada Fulminez” i na “Vila Noba d Gaia”, na pais i na stranjeru.
Na blog olisanto3-natelisa.blogspot.com bo pode nkuntra kartas-abertu, kronikas i puemas. Es artigus sta skritu na lingua tera ku uzu di ALUPEC. Tanbe alguns artigu sta na Purtuges pa pesoas menus dadu a le lingua kabuverdianu skrebedu na ALUPEC.
Ma kuidadu, santu sima min na infernu sta txeu! Di santu, N ka ten nada.
Nes maratona di rua di “Toi Pedro” ka ten faltadu “pexis-spinhu” ta tenta, fraudulentamenti, tira-m di kaminhu, pamodi/pabia N ka ta “SIGI TRADISON”. Grasa a Nhordeus, marsianus di Marti disfila na frenti di PAR(A)MENTU a nha favor ta pidi diputadus di skerda i di direita pa libra-m di maus udjada desis “FALSIDADIS” di opozitoris di língua di bersu.
Karu amigu i konpatriota, “ka spera pa mas”! Panha boleia, bu viaja na olisanto3-natelisa.blogspot.com pa saboria rikezas di nos língua na se variant d Bubista i di Santiagu, bu dxa sertus visiu mau (alku, sigarru i padjinha) di sosiedadi pa tras.
Es e un luta pa libertason di nos identidadi Kabuverdianu, atraves di sperimentason di skrebe nos lingua, gia i lus di identidadi d kualker pov. Bu sta kunvidadu a intigra es izersitu di intuziastas na difeza di ALUPEC i di inplementason di nos lingua maternu na skola! Ka ta da pa spera! Du ba pa tudu kutelu, no spadja es noba di SPIRANSA pa nos fidjus i netus.
Komu un intuziasta d lingua kabuverdianu, N k e kontra lingua purtuges. Kuze k N kre e udja es dois lingua (Kabuverdianu i Purtuges) ladu a ladu na konstruson des nos pais di PDM, sen distinson (Lingua ofisial i nãu ofisial).
Un abrasu amigu.
Na Barraka numeru 9 di OLISANTO, Forsaerea d Ilha d Sal, 06 d Dizenbru d 2008.
António Santiago Oliveira - Olisanto
CapAM(Ref)00016175
Tel:(238)2411827;Mov:9937349
Email:oliversan3@hotmail
olisanto3-natelisa.blogspot.com
3 comentários:
Nhu sta na kaminhu sertu! N sa ta navegaba na internet pa odja kuze ki ten di nobu sobri ALUPEC i N tropesa nes artigu - ki sta entri primerus 60 artigu nun konjuntu di mas di 7.300 artigu sobri ALUPEC na motor di buska mundial - http://google.com (opson di buska: kualker lingua). Istu e, na maior janela di mundu, undi artigus ta ordenadu sugundu se inpurtansia, na meiu di mas di 7.300 artigu, artigu di-nho sta entri primerus 60! Mas, kel la e ka uniku vitoria di-nho. Artigu di-nho intituladu "Ku ALUPEC(Kada gota ta konta)" publikadu lisin http://www.alfa.cv/index.php?option=com_content&task=view&id=3659&Itemid=263 sta entri primerus 40 na maior janela di buska di mundu! Tudu isu, signifika un grandi vitoria na spadja es kauza - libertason linguistiku di povu Kabuverdianu! Forsa!!!
Nhu sta na kaminhu sertu! N sa ta navegaba na internet pa odja kuze ki ten di nobu sobri ALUPEC i N tropesa nes artigu - ki sta entri primerus 60 artigu nun konjuntu di mas di 7.300 artigu sobri ALUPEC na motor di buska mundial - http://google.com (opson di buska: kualker lingua). Istu e, na maior janela di mundu, undi artigus ta ordenadu sugundu se inpurtansia, na meiu di mas di 7.300 artigu, artigu di-nho sta entri primerus 60! Mas, kel la e ka uniku vitoria di-nho. Artigu di-nho intituladu "Ku ALUPEC(Kada gota ta konta)" publikadu lisin http://www.alfa.cv/index.php?option=com_content&task=view&id=3659&Itemid=263 sta entri primerus 40 na maior janela di buska di mundu! Tudu isu, signifika un grandi vitoria na spadja es kauza - libertason linguistiku di povu Kabuverdianu! Forsa!!!
Nha amig, mta ta gosta tcheu d'bô trabodj. Sempre pa diant. Akel abraço.
Enviar um comentário